Turk Oglu

شنگولوم منگولون آديندا بير توركو ناغيل:

^{بيري وارميش بير ي يوخوموش،بير كئچي وارميش.بو كئچنين گوزنون آغي- قاراسي اوچ بالاسي وارميش.چپيشلرين بيرنين آدي شنگول،بيرنين آدي شؤنگؤل بيرينينده آدي منگول ايميش.كئچي گئديب هرگون مئشده اوتارارميش.گئجه قايديب دا بالالارينا آغيزيندا سو،بوينوزوندا اوت ،ممه لرينده سود گتيره رميش.بوجور قايديب قاپي دوورميش.شنگول آتيلا-آتيلا قاپييا ياخينلاشيب سوروشارميش:}

^{- شنگولوم،شؤنگؤلوم،منگولوم قاپيني آچين من گلديم،آغيزيمدا سو ،بوينوزومدا اوت،ممه مده سود گتيرميشم.}

^{شنگول،شؤنگؤل ،منگول سئوينه –سئوينه قاپيني آچارميشلار،كئچي ايچري گيريب اونلارا سويوني،سودوني،اوتوني وئريب يئديريب ايچيرديكدن سونرا ياتيرداردي.سونرا دئيردي كي :بالالاريم احتياتلي اولون،هر كيم قاپي دوووب منيم دئديگيم سوزلري دئمسه آچمايين.چپيشلرده دئيرديلر كي:}

^{- سن آرخايين اول هيچ كيمه قاپي آچماروق.}

^{بير گون بيرآج قورد اورالاردا تاپليب كئچنين بالالارين يئمك اوچون فرصت آختاريردي.بير گون قورد گليب كئچي ائوده اولمايان چاغ قاپيني دويدي .شنگول،شؤنگؤل ،منگول دينقيلديه-دينقيلديا قاپيا ساري گئديب دئديلر:}

^{- قاپي دوين كيمدير؟}

^{قورد كئچنين دئديكلرين بيلميردي و دئدي:- آچين بالالاريم منم آنانيز!}

^{چپيشلر آنالاري اولماديگيني آنلاييب قاپيني آچماديلارو قاچيب گيزلنديلر.قورد گوردي كئچي گلير ،قاچيب بير بوجاقدا گيزلندي. كئچي قاپيني دويوب دئدي: بالالاريم آچين منم ،اغيزيمدا سو بوينوزومدا اوت ،ممه لريمده سود گتيرميشم.شنگول،شؤنگؤل ،منگول آتيلا-آتيلا گليب قاپيني آچديلار.كچئي ايچري گيريب هر زماني كيمي بالالارينا سو، سود،اوت وئريب سونرا بالالار قاپيني چالماسيني آنالاينا دئديلر.كئچي دئديگي سوزلري قورد ائشديب اوردان اوزاقلاشدي.}

^{صاباحيسي گون كئچي گئتديكدن سونرا قورد گليب قاپيني دويدي:}

^{- بالالاريم آچين منم آنانيز،آغيزيمدا سو،بوينوزومدا اوت،ممه لريمده سود گتيرميشم!}

^{شنگول،شؤنگؤل ،منگول گليب قاپيني آچديلار ؛بيردن قورد آتيليب منگولي توتوب همان يئدي.شنگول،شؤنگؤل قاچيب گيزلنديلروآغلاماقا باشلاديلار.آخشام اولوب آنالاري گليب نه قدر قاپيني دويوب نه قدر اوخودي قاپيني آچان اولمادي.كئچي دال-دالي گئديب بوينوزلاريلا قاپيني آچديب ايچري گيردي.}

^{شنگول ،شؤنگؤل آنالارين گوروب سئوينديلر و آنالاري سوروشدي :- بس منگول هاني؟ چپيشلر باشلاديلار آغلاماقا و اولان ايشي آنلارارينا دئديلر.آنا كئچي هيرسلنيب دئدي كي:}

^{- ياخشي قوردونكي منده قالسين.سيز قاپيني باغلاييب هيچ كيمه قاپيني آچمايين.}

^{كئچي يولا دوشوب آز گئتدي،اوز گئتدي ؛دره تپه دوز گئتدي ؛آخيربير دميرچي دوكانينا يئتيشيب دئدي:}

^{- دميرچي قارداش منيم بوينوزلارمي قيليچ كيمي ، اوجلاريني سونگي(نيزه) كيمي ائله.}

^{- دميرچي ده دئدي :آ كئچي سن منه نه وئرجكسن؟}

^{- كئچي دئدي : بير قازان قايماق بير قازان سود!}

^{دميرچي راضي اولوب كئچنين بوينوزلارين قيلج كيمي اوجلاريني سونگي كيمي ايتي ائلدي.كئچيده اونون قايماقين ،سودون وئريب دوز گلدي قوردون ائويني دامينا چخيب اياقلارين باشلادي داما وئرماقا .قورد بير قازان آش قويموشيدي.اوجاق اوسته پيشيريردي.اوندا كي كئچي آياقلارين دامنما يئره ووروردي قوردون آشينا توپراق توكولوب قورد حيرسلنيب دئدي:}

^{- ائويمي ييخان كيمدير؟آشيما توپراق توكن كيمدير؟}

^{كئچي جواب وئريب دئدي :}

^{- هم سولطان ام هم پاشا ، بونوزوم قوشا قوشا ، بالالاريمي سن يئميسن ايندي بويور ساواشا كئچي دالي گئديب،ائله بوينوزيله ووردي قوردون قارنينا كي ايكي قاريج قوردون قارنينا ايشلدي.قورد بركدن اولاييب ،يئره دوشوب ،كئچي همان يئرده قوردون قارنين دئشيب منگولوني ائشيگه چيخارتدي. قورد اولويا اولويا دئدي: - واي قارنيم!واي قارنيم! كئچيده دئدي :- بالالاريمي يئينده واي قارنيم دئميردين! كئچي بالاسين گوتوروب سئوينه سئوين ائوينه گئتدي؛}

^{- سيزلره ده تانري سئونج پايي وئرسين. ناغيلي ائشيدن ساغ ناغيلي دئيين سالامات}

[ ]

Turk Oglu

شنگولوم منگولون آديندا بير توركو ناغيل:

بلاگا گؤره

بؤلوم لر

سون یازیلار

باغلانتی لار

یولداش لار

آرشیو

سایغاج